ГӀалгӀайчен Парламенте дийцар, аьтинга бетта дӀаяхьа лерхӀача кхетаченах
ГӀалгӀай Республикан Халкъа Гуллама кулгалхочо ТӀумхой Мухьмада кулгал а деш, дийцар аьтинга бетта хила езача кхетаченах.
Парламентареш юха а хьежар шоай бе безаш болча балхага, из чӀоагӀбе безаш ба, боккха гуллам болча хана. Дувца оттадаьча дешашта юкъе законопроекташ я, уж мехка бахархошта юридически новкъостал дарца ювзаенна я, иштта цхьацца дола кхоачамбоацараш юкъедоалаш йолча моттиге административни бехктокхаме оттавеш а.
Керттера терко тӀаяхийтар паччахьалкхен гӀишлошъяра балхий даькъ тӀарча комитета кулгалхочо Гаданаькъан Ислама могадеш долча хаттара, цо гойтар льготаш йоагӀача наха новкъостал дар юкъедоаккхаш йола законопроект. Цу проекто хьалхадоаккх уж нах паччахьалкхен, доал дара даькъ тӀарча органашка тӀаэца безаш хилар.
Цул совгӀа, законаш хьакхоллашбараша лаьрхӀад ГӀалгӀай Республикан Халкъа Гулламо юкъедоаккхаш дола РФ йоал яккхара кодекс чӀоагӀде, иштта МагӀалбика администраце кулгалхочун 2024 шера баьча балхах йолча отчетага ладувгӀа лаьрхӀад.
