ГӀалгӀайчен бераш деча моттиге, къонача ноаношта лаьрхӀа хьехамаш дир
Перинатальни центре дӀахьош я керда даьча берий ноаношта лаьрхӀа йола лаьрххӀа проект. Из лаьрхӀа я берашка хьажар дикагӀа хилийтара. Хьалхара уж Ӏомабеш йола оагӀув я: мишта новкъостал дергда хӀетта хьадаьча бера, нагахьа санна хала хьал этта хилча, сихача гӀон тоаба хьакхачале. Цох дийцар «Сердало» газетага ГӀалгӀай Республикан унахцӀенон Министерствон зарбан болх лелабераша.
Укхаза дийцар цу тайпара хьалаш вӀашагӀдехка хиларах, иштта хьадаьча берий ноаношта мел аьттув хул хьалхара халагӀа бола никъ дӀабахьа.
«Берага хьажара наьна хьинар совдоаккхаш да из, къаьстта ханал хьалха из бер малхадаьннадале, цунна геттара чӀоагӀа терко лоаттае езаш дале. Говзанчаша хьалхадоаккх ноаношта берага мишта хьажа беза, могашал мишта лорае еза, бер дарбанчера цӀаяздаьчул тӀехьагӀа, ноаной сатем болаш а, де дезар фуд ховш а хургболаш», - аьлар унахцӀенонга хьожараша.
Укх наькъа дӀахьош хиннача хьехамашта керте латташ яр ИнгГУ хьехархо, лорий Ӏилмай кандидат, неонатолог Овшанаькъан Хаваж-Бахьаудина Фатима. Къонача ноаношта дийцар мишта нийса хьож берага, дагадоацаш дола хьалаш нийслойя. Цул совгӀа, ладувгӀаш хиннараша деннача хаттарашта жоп делар.
