Укх шера керда ишкол хургья Пхьилекъонгий-Юрта
![](http://serdalo.ru/storage/CB02iJ7DJwgxBiGj0k65dq30P7F6CWtrRKjQaK6K.webp)
Республикан гӀишлон Министерствон заказах «Евростройсервис-2010» яхача подрядни организаце 720 моттига лаьрхӀа Пхьилекъонгий-Юрта ишкол хьалъергья, яхаш, дийцар ГӀалгӀай Республикан гӀишлон Министерствос.
Таханарча денга кхоачаш, из гӀишло 40% йистеяьннай, цун контракта мах ба 514 млн сом. Укх деношка гӀишлонхой чура а арахьара а пенаш хьалдотташ ба, иштта кхыдола балхаш а деш латт. Цул тӀехьагӀа, чура балхаш доахаргда.
«Проектах доагӀаш ма хиллара, кхозза вӀаштӀара яьча 12 эзар квадратни метр йолча гӀишлон чу хургья актови, спортивни залаш; 60 совгӀа балха кабинет; пхьоаллен кабинеташ; лорий кабинеташ, иштта кхы дуккхадар», - аьлар гӀишлошъераша.
Графиках доагӀаш ма хиллара, «Дешар» яхача паччахьалкхен программанна чуйоагӀаш, из ишкол хьалъяь яргья 2024 шера.