Пхьилекъонгий-Юртарча культуран Цӏагӏа, берашта дийцар терроризма кхерамах
Пхьилекъонгий-Юртарча культуран Цӏагӏа, хоамий-кхетам балара къамаьл хилар терроризмах лаьца. Из къамаьл чудоагӏаш дар «Терроризмаца цхьа барт болаш къовсам лоаттабар» яхача деша, цига берашта керттера зулам довзийташ къамаьл деш хилар Могушканаькъан П.
«Кхетаче дӏахьош, цо довзийтар зулама керттера «терроризм», «теракт», «террорист» яха дешаш. Берашта довзийтар цу дешай маӏан, цу зулама духьала деррига дуне далар сенца дувзаденна да. Къаьстта терко тӏаяхийтар кхерамзлен бокъонашта, иштта довзийтар чоалхане хьал эттача хьалхарча аргӏагӏа де дезар», - аьлар «Сердало» газетага из кхетаче вӏашагӏъеллараша.
Берашта хьалхадаьккхар нийсденна зуламаш унзара хиларах- террористаша малагӏча къизалца наха духьала ийрча гӏулакхаш леладу. Къамаьл деш хинначо дийцар спецназа бӏухой деналах, майралах, иштта шоай са кӏалдуташ бераш кӏалхардоахаш хьехархоша, хьехамчаша гойтача деналах, цу хьакъехьа масалаш доаладир
ДК ӏомалуш долча берашта новкъостал дир, юкъарча зулама духьалъоттара керттера декхар довза, царна хьалхадаьккхар цхьана хилча мара из карагӏдоалаш доацилга, сакхетам лакха а болаш, цхьоагӏо, барт болаш хилча; из зулам юхатоха низ кхоачаргба, яхаш, белгалдаьккхар цо.
