Гӏалгӏайчен почташка чӏоагӏду бахархой таьрахьашца лорабар
Киберкхерамзле дегӏайоалаяра, таьрахьий хувцамаш юкъедахара чудоагӏаш Россе Почта, вай мехкарча eXpress оалача корпоративни мессенджера болх мишта бу хьож.
«Из корпоративни мессенджер хила езаш я Почта болхлой тешамеча бувзама кӏийле, российски законодательствос дӏадехараш леладеш, хоам лорабара эшаш я из. Цу хьалашка валар сиха хургдац, из болх кӏезиг-кӏезига юкъебоаккхаш дӏабахьа безаш ба. Цо таро лу видеобувзам лелабе, оазаца къамаьл дӏадахьийта, файлаш дӏаяхьийта, из компане чурча хьалашта атта юкъебоал. Цо хоамаш дика лораду, хӏана аьлча цу юкъе из гӏирс лелабара кеп яьккхай», - аьлар Федеральни почта бувзама боахаме.
«Гӏалгӏайчен хоамий кхерамзле – из хьалхарча аргӏагӏа вай наьха хоамаш лорадар, почта дика болх беш хилар да. Лорадара йола оагӏонаш юкъеяхар керттердар да таьрахьий хувцамашка доалача даькъ тӏа. Цо таро лу вайна, паччахьалкхен боарам болаш болх хилийта, республикан хӏара вахархочун гӏулакх дара балха дикал, сихал ӏалашъе», - аьлар Гӏалгӏай Республике гӏолла йолча Федеральни почта бувзама Урхаллен кулгалхочо Гаьгенаькъан Ислама.
