Моттигера хьал тоадара керттера дешаш дийцар мехкарча Паччахьалкхено
Мехкарча Паччахьалкхенна хьалха латтача Сластенин Владимира кулгал деш, кхетаче дӏайихьар республике. Моттигера хьал тоадара тӏехьа вахара-экономически, иштта кхыча оагӏонашцарча керттердарех дийцар цига.
«Къаьстта йоккха терко еш дийцар къаман проекташка, федеральни программага гӏолла болх дӏакхахьарах, интеренета оагӏонашкара, бахархошкара тӏалатташ долча хоамашца мехка доал деча моттига дӏакхухьача балхах, кагирхой эскаре бахарах, контрактах тӏема декхараш кхоачашде ахарах, иштта ахкан хана бераша, кагирхоша салоӏаш ха яккхара гӏулакхах», - дийцар «Сердалога» мехкарча Паччахьалкхене.
Министерствошта хьалха латтарашта, муниципальни моттигий кулгалхошта цхьацца декхараш тӏадаьхкар Сластенин Владимира, белгалдир, массадола гӏулакхаш юххьанца йиллача хана кхоачашдаь хила дезилга.
