Гӏалгӏайчен Паччахьалкхено дийцар гидротехнически гӏишлой хьалех
Гӏалгӏайчен Паччахьалкхен Председатела Сластенин Владимира боахамашта юкъера йоккха кхетаче дӏайихьар. Из хетаяь яр республикан даькъ тӏарча хий чулоацаш йолча гӏишлой хьалаш довзара. Цига дакъа лоацаш хилар керттерча министерствай, боахамий кулгалхой, доал деча даькъ тӏара, иштта мехка сихача гӏон викалаш. Кхетачен доакъашхоша мах оттабир ГТС хьала, бердаш чӏоагӏдара гӏирсаш хьалдара, духьала дотта пенаш, хьоарсамаш лертӏа хилийтара. Царех тийша да юрта бахача наьха кхерамзлен хьал, автомобилий наькъашкара, иштта коммунальни, вахара оагӏон хьалаш.
«Вай хьажа деза из хаттар тешшаме кхоачашдаь хилийтарга, цун технически хьал лакхача боараме латта деза», - аьлар министрий кабинета кулгалхочо.
Таханарча денга кхоачаш, Гӏалгӏайче 31 гидротехнически гӏирс ба, царех дукхагӏдараш республикан доалахьа да. Кхетаче дӏахьош, доакъашхоша техкар уж моттигаш дӏахо лораяра дола дешаш.
Кхетачен чаккхе еш, Сластенин Владимира цу хаттарашца дувзвденнача боахамашта, сиха дага а даьнна, дӏахо ГТС лораяра де дезар гойтара декхар тӏадиллар.
