Гӏалгӏайчен Паччахьалкхено дийцар кхерамзлен, ЧС хоам барцара хаттараш
Гӏалгӏайчен паччахьалкхен кулгалхочо Сластенин Владимира дийцар Ставропольски крае гӏолла волча Россе МЧС Керттерча урхаллен кулгалхочунца Басов Николайца, иштта Гӏалгӏайче гӏолла йолча Россе МЧСа Керттерча урхаллен чурча гIулакха инарал-майораца Борисов Вячеславаца шоайла бувзам лелабара хаттараш, аьлар мехка Кулгалхочун, паччахьалкхен зарбан болх лелабераша.
Керттера дийца дош дар Россе МЧСа, ӏаьдала моттигашта юкъера къамаьл цахаддаш хила дезарах. Доакъашхоша ма дарра дийцар, нах кӏалхарбахара, лорабара цхьана дӏахьош болча балха керттерча хьалах.
Цига иштта белгалдир; йолаш йола таронаш, низ вӏашагӏтеха; чоалхане хьал юстардаккха кийчо яь хила езарах, иштта доал деча даькъ тӏара ӏаьдала бехктокхам лакха хила безарах.
Къаьстта терко тӏаяхийтар хьалххе кийчо яра, моллагӏа нийсденна чоалхане хьал сиха, ший ханнахьа дIадерзаде таро хургйолаш, унзара хьал нийслургдоацаш.
