Магасера рузбан маьждиг дӏадоаккхаргда яхар бух боацаш къамаьл долга белгалдир мехкарча Паччахьалкхене
16.07.2026 11:48
Магасера керттера маьждиг дӏадоаккхаргда яха къамаьл бакъдоацилга белгалдир мехка. Интернета оагӏонашка гӏолла даьржа да из тахан. Цхьацца хӏамаш хьатӏае лаьрхӏа елла хинна лард телха хиларах дӏайоаккхаш боахк цига, гӏишлон кулг тоха лаьрхӏа хӏама дац.
«Магасерча рузбан маьждига гӏишло ше хиннача беса хургья. Цунна гонахьарча доазон тӏа кулг тохаш боахк тахан. Хьаӏайна нувхаш, совъяьнна ӏокхийса хӏамаш дӏайоахаш болх ба цига дӏаболабаьр», - йоах «Сердалога» мехкарча Паччахьалкхене.
Бух боаца, цхьаццане арадоаха къамаьлаш доаржа ма де, яхаш, кхайкарал ду бахархошка. Цу оагӏонцарча болхлоша лакха терко, тӏахьожам лоаттабеш дӏахьош да Магасерча маьждига коара балхаш.
