ЦIай хьатIадоагIаш, къахьегама шоатта дIадихьар берий театре
05.04.2024 12:10
Шоай доазон тIа къахьегама шоатта дIадахьа арабаьлар, берий театра актёраш. ХьатIадоагIаш мархий цIай хиларга хьежжа, къаьстта укх хана дIахьош бола болх дог гIоздоаккхаш хул. Из хоам «Сердалога» бир театра зарбан болх лелабераша.
«Къахьегама шоатта дIакхахьар лоархIаме да! Гонахьарча Iалама хьал лорадеш хила деза вай. Ше болх беш, вахаш волча моттиге лостам бар, бусалба динга диллача а, чIоагIа хоза гIулакх да, хIана аьлча Iалам дала вайна денна совгIат да», - дийцар театра зарбан болх лелабеча ПхьаргIилганаькъан Марианнас.
Гаьнашта кIир тохаш, деррига доазув чулоацаш нув хьокхаш, йоагае езар йоагаеш, баьхкар театра болхлой. Хоза лостам баь латта моттиг зийча, хоза хет. ЦIагIа санна цIена хила еза, вай къахьегача моттигашка а.
