Керда 10 автобус лургья Пригородни кхаленна
Вайна ма харра, керда 30 автобус кхаьчай вай мехка бахархошта паргӀато е. Царна юкъера итт автобус Пригородни кхале бахача наьха хьашташ кхоачашде къоастаяьй. Цох лаьца дийцар къаман политикаца дувзаденнача гӀулакхех йолча министерствонна хьалхалаттача Мизенаькъан Руслана; промышленностахи таьрахьий гӀулакх доаржадарахи йолча министерствон кулгалхочун декхараш кхоачашдеш волча Кокурхой Адама дӀайихьача кхетаче.
Мизенаькъан Руслана белгалдечох, Пригородни кхалера нах каст-каста латкъаш хулар автобусашцара кхоачамбоацараш бахьан долаш.
«Хьалхара кхо бутт чакхбалалехь араяла езача кердача автобусаша тоаде деза из гӀулакх», - аьлар минпромбувзаме. Иштта теркалдир, керда автобусаш йолаялийтар Сийлахь-боккхача Даьймехка тӀема юкъе котало яьккха 80 шу дизара хетадаь долга. Беркате хийла уж вай къаман!
