Культуран оагӏонцара болхлой шоай цӏайца даькъалабийцар Дола-Коа
Культран оагӏонца къахьегачар цӏай дездеш хилар, Дола-Коарча культуран Цӏагӏа. Хӏара денна вай дегашта тоам бара тӏехьа къахьегарий Ди да из, тахан массайолча моттигашка уж болхлой белгалбеш, безбеш ба.
«Кӏаьдача, дог гӏоздоаккхача дешашца дӏайолайир кхетаче. Шоай декхараш дизза кхоачашдеш, наьха дегашта тоам беш къахьегараш даькъалабувцаш бар гулбеннараш. Бӏарчча концертни программа яр цига кийчъяь. Культуран оагӏонца къахьегаш хьабоагӏарашта лаьрхӏа байташ ешаш дар бераш, иштта шоай иллешца цар дегашта тоам беш.
Къаьстта терко тӏаозаш яр Алерой Мархас гойта «Кӏудалцара халхар» яха композици», - дийцар «Сердалога» культуран Цӏен кулгал деча Алерой Билала. Иразе, аьттонца, могаш-маьрша болаш баха даькъалабийцар культуран болхлой цу дийнахьа.
