Гӏалгӏайчен тароний Центре лоӏамхой ӏомабеш моттиг хилар
Гӏалгӏайчен лоӏамхой тароний Центре «Гӏончаш юкъебахар» яха гӏулакх дувцаш, из ӏомадеш дола вӏашагӏкхетар хилар. Цига ӏомалуш бар гӏончий тоабашта хьалхалаттараш, республикан лоӏамхой. Цар, из кхетаче дӏахьош, дийцар тоабаш кхы дукхагӏа йоаржаяра наькъаш.
«Сердало» газетага ма аллара, из дешара оагӏув вӏашагӏъеллараша шоай говзанчашца цхьана ӏомадир лоӏамхой юкъарлонна кулгал деча керттердараш. Цкъа хьалхагӏа уж хьежар гӏончаш лахара йолча оагӏонашка, вахара бувзамий новкъостал а юкъедаьккхар цар, нах вӏашагӏкхийттача из хьал довзийташ дола хаттар а техкар. Цул тӏехьагӏа, цар къоастадир из дезадалийтара гӏулакх, наха из болх безалургбола оагӏув йовзийтар мишта хила деза дийцар. Къаьстта терко тӏаяхийтар тоабах хьакхийтта керда доакъашхо юха дӏацакъастара, из коллективаца хьакхаштаваккхара, цун дог ца эккхийташ из хьаллацара.
ӏомабалара кхетаче чакхйоалаш, тоабаша лаьрхӏар шоай кастлуш хургйолча проекташка лоӏамхой юкъебаха. Кхетаче дӏайихьар шоайла дагабоалаш, цо таро елар дика чакхъяьнна балха оагӏонаш ювца, лоӏамхой тоабаш дегӏайоалаяра малагӏа хьалаш эшаш да ха.
