ГӀалгӀайчен РКПЦ керда хьадаьча берашта, хьадешшехь а маьхий тох
Перинатальни центре керда хьадаьча берашта, хьадешшехь а маьхий тох хьалхарча 12-24 сахьата. Центро яхачох, хьалхара маха тох В, А оалача гипатиташта духьала, цул тӀехьагӀа хьалхарча 3-7 дийнахьа берашта кхайкора духьала маьхий тох (БЦЖ).
«Берий кер чу антигенаш яхаро таро лу инфекцешта духьала къовсам лоаттабе, кхы а из нийсдалалехь. Бакъда дукха бац из профилактика езаш хилар кхетадераш, цун лоархӀаме хилар довзараш, шоашкара дагадийха хӀамаш бахьан долаш, из ца еш юхагӀертараш дукха ба.
Искусственни дегӀа низ чӀоагӀбаро уж кӀалхарбахац цу лазарах, бакъда маьхий техарех дуккха а дукхагӀа тешам ба уж лергбоацилга, шоай ханнахьа маьхий теха хиларах», - аьлар Перинатальни центра керда хьадаьча берий цамгара отделене кулгалхочо Хамченаькъан Зейнапа.
Лораш кӀаьдлуш бац юха а юха а кердадаха: маьхий тохар - из инфекцей лазараш юхатохара цаӀ мара боаца никъ ба.
