Из хоам «Сердалога» бир дарбанчера. ЦӀийоацар яхача лазарашта юкъе эггара чӀоагӀагӀа даьржа хиларах, эггара хьалхара мугӀ дӀалаьца латтача наькха хулаш долча цӀийоацарах дийцар гулбеннарашта дарбанчен цхьан даькъа кулгал деча Дебаранаькъан Аишас, лор-маммолог йолча ЦӀечой Тамилас. Кхалнаха хьалхадаьккхар, массахана дегӀа хьал тохкаш, лорашта тӀаухаш хила ,езилга.

«ХӀетта хьакхийттача хана цӀийоацар гучадоаккхаргдола болх дӀакхухьаш ба РКПЦ болхлой. Кхалнаьха гӀулакхах хулаш дола из лазар ма хулла хьалха гучадаккха эшаш мел бола гӀирс оттабаьб дарбанче», - дийцар тха газетага.