ГӀалгӀайчен РКПЦ хилар лорашта бола говзанч-хьехам
Республикан клинически бераш деча моттиге дӀахьош бар республикан лорашта лаьрхӀа говзанч-хьехам, цо тӀахьех лорий говзал Ӏомаяра. Тахан дӀабихьа говзанч-хьехам хетабаь бар, ханал хьалха бераш дара, тайп-тайпара ха яьннача кхалнаьха могашал тоаяра, яхаш, дийцар «Сердало» газетага ювцача моттига лораша.
«Ший гӀулакх довзаш хилар лорий балха корта ба, цудухьа Республикан перинатальни центро цу деша хьалхарча аргӀагӀа боагӀаш бола теркам бу. Тха дешара центра даькъ тӀа каст-каста хул говзанч-хьехамаш, цо таро хулийт лорий балха говзал лакхъе.
Тхо тешаш да, говзал лакхъеш бола болх каст-каста дӀахьош хиларо, лорашта ховш дар кхы а дукхагӀа совдоаккх, цунца цхьана дарбаш деча наха деш дола лорий гӀулакх тоаде таро хул. Говзанч-хьехам дӀабахьаро иштта таро лу, халача хьалашка деш дола лорий новкъостал тешшаме дикал йолаш хилийта.
Лазар хьакхетале бе беза болх бар, ший ханнахьа лазар гучадаккхар - из керттердар да бераш деча центра балха. Наьна а бера а могашал хилар да эггара хьалха лораде дезар», - аьлар РКПЦ керттерча лора Хутенаькъан Мадинас.
