ГIалгIайчен РКПЦ кхетаче хилар, акушерий-гинекологий юкъарлон
Республикан клинически перинатальни центре кхетаче хилар «Акушерий-гинекологий юкъарло» яхача цхьанкхетара, цига дакъа лоацаш хилар Москвера бийха говзанчаш, яхаш, дийцар хоамо.
Хьалхале лелаю лораш акушерства, гинекологе, берах кхера даькъ тIарча лоархIамеча дешашка хьежар.
Кхетаче шин даькъа йийкъа яр: Iилман программа, болх шаьрбара дакъа. Хьалхара дакъа дIахьош ладийгIар КПМ (Москва-Шахьар) керттерча лора, к.м.н. Мартышкина Еленай докладага, тема яр: «Бер ца хулаш дола хьал тIехьадитар: лакха технологеш лелаеча хана Iаламца къамаьл хилар»; КПМ керттерча лора гIонча йолча (Москва-Шахьар) Какучая Нинос йир доклад, цун тема яр «Архитектура кхалнаьха ираз»; иштта профессора, цIихезача РФ лора (Магас-Шахьар), д.м.н. ГетагIазанаькъан Заретас къамаьл дир, цун тема яр «Керда таронаш, бераш хьадеш лазар цадар».
Иштта делар говзанча хьехамаш. Цига дийцар, дегIаца товргдолча тайнашца цIока эза лоаттадара технологех долча хьехамех, бер ца хулаш болча дезалашта деча хьехамех. Уж дIадихьараш бар Какучая Нино, Мартышкина Елена.
«Цу тайпара Iилман кхетаче дIаяхьаро таро лу республикан унахцIено дегIайоалае, лорашта дикагIа йола поалхам йовзийта, лорий новкъостала дикал лакхъе», - аьлар ГIалгIайчен перинатальни центре.
