«Бӏаьха перемена» яха яхьаш дӏайолаяьй Россе
02.04.2026 10:56
«Бӏаьха перемена» яхача яхьий болх дӏаболабир Россе. «Сердалога» из хоам бир «Хьалхарбарий болам» яхача мехкарча оагӏон болхлоша.
«Яхьаш хьаеллаш бола болх дӏабихьар Хьалхарбарий Медиацӏагӏа. Мехкарча тайп-тайпарча миӏингашкара, иштта вай реcпубликера а нах бар цига гулбенна. Хӏанз ворхӏазлагӏа гулбеш ба цу кхолламцарча оагӏоно лакха начӏал дола дешархой, студенташ, иштта Россел арахьа бахаш бола 8-10-ча классашкара дешархой. Хьатӏабоагӏача бетта 30-гӏа ди тӏакхаччалца, йоккхача кӏийленга гӏолла шоай говзал лакхъеш хургба къонабараш, сайтага гӏолла дехар чудала йиш я. Цу яхьашка гӏолла керда новкъостий лаха, лаьрхӏараш кхоачашде, совгӏаташ даха аьттув ба къонабарий», - дийцар тха газетага.
