Кастта кийча хургья Буро кӀалхара ФОК
10.09.2024 23:42
Ер шу чакхдалалехь, кийча хила езаш я Буро кӀалха хьалъеш латта ФОК. 2000 кв метр дӀалоацаш я гӀишло. «Демографи» яхача къаман проекта чуйодаш йолча «Спорт- вахара оамал» яхача проектага гӀолла дӀахьош болх ба из. Из хоам «Сердалога» бир Мехкадаь зарбан болх лелабераша.
«60 %-га кхоачаш болх йистебаьннаб карарча хана. Эшаш мел бола кхоачам болаш, дзюдо, бокса къоастадаь доазош долаш, моттиг хургья из», - йоах хоамо.
Кагирхошта, берашта доккха совгӀат хургда спорта лаьрхӀача кердача моттигах. Вай Мехкадас белгалдир, республике спорт йоаржаяра тӀехьа боккха болх дӀахьош латтилга, къаьстта а терко ю цу гӀулакха юрташка.
