Терроризм, экстремизм яхача доккхача зулама духьала болх лоаттабеш ба Долакха-Юрта
Долакха-Юрта терроризм, экстремизм яхача доккхача зулама духьала къовсам лоаттабеш ба тахан. Кагирхошца кхетаченаш дӏакхухьаш, уж нийсача наькъ тӏа бахара тӏехьа къахьег цига.
«Юртарча Берий-кагирхой спорта ишколе кхетаче дӏахьош хилар ӏаьдала болхлой. Республикерча терроризм, экстремизм яхача зулама духьала болх лоаттабеча МВД оагӏон воккхагӏа вола болхло Гӏаьнажанаькъан Р.З., Долакха-Юртара участкови Албохчанаькъан С. А-М., Ӏалихананаькъан У.М, ДЮСШ кулгалхочун гӏонча Гелисханаькъан Б.Т. къонабарашта дийцар цу бӏехача зуламах хьокхабеннарий вахара хинначох, из хӏама хьаллаца эттар ший ираз ше доадерех волга. Спортаца бувзам лелабеш, вахара наькъ тӏа шоашта накъадаргдар ӏомадеш хилара тӏахьийхар цар кагирхой», - йоах тахан тха газетага кхаьчача хоамо.
