Машена никъ мелаб, юрта Iочуваьлча яьгIа хинна, ши оагIув дIалоацаш, наьха бIарг гIадбугаш яьгIа, боккха хи бола гаьнаш дIа а яьха, хIанз царна меттел IоегIай кхыйола гаьнаш.

Из дика гIулакх дIахьош хилар: хьалхарча вице-емьера декхараш кхоачашдеш вола Йовлой Мухьмад, ГIалгIай Республика юртбоахама министр Гаьгенаькъан Мухьмад, ГIалгIай Республика Iалама ресурса, экологе министерства болхлой, республика хьуна даькъа тIара къахьегамхой, волонтераш, Назранерча муниципальни даькъа тIара кулгалхой.

Хоза а хеташ, из тIаийцар, Россе хьу лораяра юкъарлено, тIехьарча хана ГIалгIай Республикерча хьуна боахамашка хинна, дика гIулакхаш белгал а деш.

Цу юкъе белгалъйир дукха ха йоаццаш, хьайийлла хьуна культура питомник, вайна ма хаара, цхьан шера цо таро хулийтаргья республике гIолла дIаювш йолча хьуна материалаца Iалашо е. Цул совгIа, цу даькъа тIа, республика хьу дегIайоалара, хьу лораяра хьакъехьа даьха толамаш лакха хиларах премьер — министра Йовлой Мухьмада Сийлен грамота ялар.

АргIанара тоаде лерхIар да Республикански берий реабилитационни центр тIайола дакъа, иштта ЭлдаргIа-гIала № 5 йола ишкола.

Беррига а болх дIалаьрхIача, ГIалгIайче гIолла, йиъ гектар доазон тIа гаьнаш дIайогIа лаьрхIад.