Йоккхача Ачалкхе тока хьал тоадеш ба
26.05.2025 18:45
Йоккхача Ачалкхерча Рабочи оалача урам тӀара тока хьал меттаоттадеш баьхкар болхлой. Керда трансформатор, 12 тока бӀоагӀа оттабир цига, иштта чубиллар 900 метрага кхоачаш бола тока саьрг. Из хоам «Сердалога» бир МагӀалбика кхален администраце.
«Цу балхо дикка аттачахьа доаккхаргда урамерча бахархой хьал, токацара гӀирсаш а боаггӀача боараме болх беш хургда хӀанзчул тӀехьагӀа», - дийцар тха газетага. МРСК «Ингушэнерго» болхлоша керда лини тока дӀатӀахоттарга хьежаш ба гӀадбаха нах, цу балхацара дехар чуденнад.
