Чамалха хьалйир керда ФАП
Чамалха бахача наха доккха совгӏат хилар; Россе Паччахьалкхен Думан, Гӏалгӏайчен Халкъа Гуллама депутаташ хоржаш долча хьалхарча дийнахьа керда вай заман ФАП хьаелларах. Цу гаьна уллача 700 саг вахача юрта керда ФАП хилар исторически хьал да. Къаьнарча, цхьа бахьан вӏашагӏъеллача гӏишлон меттел; керда, дика лорий моттиг хьакхеллар.
«Из хьалъяьй «Лорий балха хьалаш хьакхоллар» яхача къаман проекта, «Дӏаьха, дика вахар» яхача Россе Президента могаеш йолча «Цаӏ йолча Россе» парте Халкъа программа чуйоагӏаш. Из хьаелла лаьрхӏадар дӏадахача шера, бакъда подрядчика йилла ха йоайир. Оаха из хаттар терко йоацаш дитанзар, из болх кхоачашбир», - аьлар Гӏалгӏайчен Кулгалхочо Келматанаькъан Махьмуд-|аьлас.
Чамалхара вахар тоалуш доагӏа, укхаза хьалха Аршты юртаца хотташ керда никъ ӏобиллабар, хӏаьта 2020 шера керда культуран Цӏа хьалдир. Аргӏанара болх хургба моттигера ишкола кердаяккхар- геттара къаьна хиларах из тоае езаш я. Карарча хана республикан кулгалхой шоашта могар деш ба, 2027 шера программанна чуйоагӏаш из хилийтара.
