Наркотикашта духьалара кхетаче дӏаяхьа гулбелар Галашка
Наркомани яхача доккхача зулама духьалара кхетаче дӏайихьар дешархошца Галашка. Цига дакъа лоацаш бар Шолжа кхален № 2 йолча дарбанчен терапевт йола ӏарчакханаькъан Дагмара, иштта лор Урусханаькъан Сабина, йоккхагӏа йола лорий йиша Бӏарахой Хьава.
«Лораша дешархошта дийцар наркотикаша сага дегӏа, вахара мел доккха зе ду. Кхувш латтарашта хьалхадаьккхар, цу бӏехача хӏаманца цкъа ший вахар толхадаьчунна тӏехьа тӏайоагӏача хана наха хьалхашка тешаме саг хинна дӏаотта хала хургдолга», - аьлар «Сердалога» цу моттигера.
Наркомани яхар тахан вай массане къовсам лоаттабе беза зулам да. Сага дегӏаца мел йола оамал толхаеш, яхьах, эзделах, сийдолча гӏулакхех саг вохавеш дола, дийца варгвоаца доккха во да из!
Дешархой хаттараш доашхаш хилар лораш цу дийнахьа. Белгалде деза, иштта йола кхетаченаш къонача тӏехьенца дӏакхахьар чӏоагӏа лоархӏаме долга.
