Эккажкъонгий-Юртарча ишколашка йоаржаеш я «Эздел - гӏалгӏай культуран дӏоагӏа» яха проект
«Эздел - гӏалгӏай культуран дӏоагӏа» яха проект я Эккажкъонгий-Юртарча ишколашка йоаржаеш. Кагирхой цхьанкхетарий Цӏен болхлоша ишколашца цхьана дӏахьош болх ба из. «Сердалога» из хоам бир цу моттигера.
«Из болх дӏабахьара тӏехьа бартчӏоагӏо оттаеш къахьийгар дувцача Цӏен кулгалхочун гӏонча волча Гоамакортанаькъан Мустафас; юртарча №1, №2, №3, №4 йолча ишколашца. Къаман ӏадаташ лорадара, культуран хӏама хьаллацара кагирхой тӏахьехаш болх ба из. Къонабарашта шоай истори, даьшкара хьадена хоза, беркате гӏулакхаш довзийтар тахан лоархӏамеча декхарех да», - йоах тхога бенача хоамо.
Проект хьакхеллараш къаман беркате тӏехьале лораяраеш йолча моттига доакъашхой ба. Миннаца гранто, иштта президентски грантий Ганзо гӏо деш, хьаллоацаш, доаржадеш да тахан из гӏулакх.
