ГӀалгӀай паччахьалкхен 100 шу дизар, дездеш ба ишколашка
02.05.2024 09:22
ГӀалгӀай паччахьалкхен 100 дизар хьатӀадоагӀаш, цу денна хетаяь кхетаченаш дӀакхухь, вай мехкарча ишколашка. Цу мугӀарера болх дӀабихьар укх наькъа ГӀажарий юртарча № 3 йолча ишколе. Из хоам «Сердало» газетага бир цигарча болхлоша.
«ГӀалгӀайче - бӀаьшераш даьлча» яхача йоазонца кийчъяьяр ишкол. Доккха цӀай дезделга гойташ дар актови зала хьал. Йоккха программа кийчъяьча бераша дийцар, республика отташ хьабенача боккхача, бӀаьхача наькъах, цу оагӀонца дувзаденнача дуккхадарех.
Даьхенцара безам хьагойтача наькъ тӀа дикка къахьийгадар дешархоша. Гулбеннарий дегаш гӀоздоахаш, лоархӀаме болх бар цар дӀабихьар.
