ГӏалгӀайчен ишколашка эрсий мотт мишта хов тохкаргда
Кхоана, массайолча ГӏалгӀайчен юкъарча дешара ишколашка дӀахьоргда эрсий меттах дола тохкамаш, из паччахьалкхен аттестаци яра ца хилча даргдоацарех да. Из духхьал фу хов хьажар дац, эрсий мотт хара боагӀаш бола мах оттабар да.
«Из болх дӀахьош белгалдергда эрсий меттала къамаьл де хар, хьахозаш дешар, тӀехьара тӀа хоам а болаш юхадувцар, доаржадаь экзамен эцаш волчунцара къамаьл. Бухсоцаш деш дола дешархочунцара цу тайпара къамаьл дӀахьоргда шоллагӀча кхаьрача дийнахьа, йолаш йола бокъонаш юкъейоахаш», - аьлар «Сердало» газетага ГӏалгӀайчен дешара, Ӏилманн Министерстве.
ДукхагӀа болча дешархошта из лоархӀаме декхар да, цига гойта деза ше кийчо яь, шийна фу деза ховш хилар. Хьехархоша, даьша-ноаноша новкъостал ду берашта, из лоархӀаме декхар кхоачашде.
