Гӏалгӏайчен ишколашка вахара кхерамзленах йийлла урокаш хилар
Гӏалгӏайчен цӏерца къовсам лоаттабеча болхлоша берашта кхерамзлен урокаш елар. Уж кхетам балара урокаш хетаяь яр Российски Федераце граждански оборона Ди дездеш хилара.
«Сердало» газетага МЧС зарбан болх лелабераша ма аллара, из программа дика а массайолча оагӏорахьара чулоацам болаш а хилар. Кӏалхарбоахараша берашта довзийтар граждански оборона хьакхоллара истори, цун керттера декхараш, кхерамзлен ӏалашо яра цо малагӏа дакъа дӏалоац.
Дешар дӏахьош, сихача гӏулакха болхлочо гойтар хьалхара лорий новкъостал дар мишта хила деза.
Керттера терко тӏаяхийтар, хоам беш бола гургал хьахезача, хьалхарча аргӏагӏа де дезачоа. Дешархошта хьалхадаьккхар корзагӏ ца боалаш, сатем болаш хилар, хоамо яхачунга дикка ладувгӏар, из ца хилча даргдоацар да, аьнна.
Цу тайпара урокаш дӏаяхьаро кхерамзлен культуран дика кӏийле ю.
