Магасерча «Ишкол 21» оалача моттиге «Бассейн» яхача оагӏонца нах дӏаийбу
Кӏимарса бетта 6-ча дийнахьа Магасерча «Ишкол 21» моттиге «Бассейн» оагӏонца деша ловраш дӏаийбергба. Из хоам «Сердалога» бир цу моттигера.
«Шин кӏира проекташка, кхыдолча оагӏонашка гӏолла болх дӏахьош хургба доакъашхой. Экзаменаш йолча юкъа Smart-отеле мах боацаш ӏе йиш йолаш хургба кхыча моттигашкара кагирхой. 24 сахьата йийлла хургья из моттиг.
Дехар чудала лаьрхӏа вола саг 18 шерга кхаьча, дӏадоладаь гӏулакх чакхдаккха чӏоагӏо яь волаш хила веза», - дийцар тхога таьрахьашца дувзаденнарех йолча Академе.
«Бассейнаца» даьккха ши кӏира, ахкан ха зехьа ца йовш, ший никъ хьахаржа, дӏахо къахьега аьттув болаш дӏагӏоргда къонабарашта. Белгалде деза, таханарча дийнахьа ИТ оагӏонца 150 000+ совгӏа болх бе моттигаш йолга, хӏаьта 2030-ча шера мехка 2 млн совгӏа говзанчаш эшаргба.
