Ишколай буфеташка банка карташцара терминалаш хургья
25.09.2025 13:56
Мехкарча ишколашка кастта дика хувцамаш хургда, ма дарра аьлча, картаца ахча дӏадала аьттув хургболаш, терминалаш оттаергья. Из хоам «Сердалога» бир дешареи ӏилмани гӏулакхех йолча министерствос.
Кердача проектаца дувзаденнараш дашха вӏашагӏкхийтар ишколай, Сбербанка, Россельхозбанка, Къаман банка болхлой.
«Банка тарифа оагӏонца дувзаденнарех, буфеташка терминалаш ӏалашъярах дийцар кхетаче. Ишколай кулгалхоша кхоачашде дезараш хьалхадаьхар цига.
Проект картаца ахча дӏадала берашта аьттув луш я. Хӏаьта даьшта, ноаношта гуш хургда беро мичахьа фу дехкад, фу ийцай, кхыметтел бер дола моттиг а», - дийцар министерстве.
