ГӏалгӀайчен тохкама Комитета болхлошта, шоай гулакх мишта довз хьежар
ГӏалгӀай Республике гӀолла йолча Россе СК урхаллене, болхлой говзал мишта я хьожача кхела кхетаче хилар, яхаш, дийцар «Сердало» газетага.
Из болх дӀабихьар, тохкама урхаллен кулгалхочун гӀончас Котанаькъан Мухьмада Шамала кулгал деш.
«Дувца оттадаьча балха хьалага хьежжа кхелахой кхетаче хьежар тохкама урхаллен болхлошта шоай гӏулакх довзарга. Уж ба духхьашха федеральни паччахьалкхен балха тӏа эттараш: лаьрххӀа дола гӀулакхаш тахкара хьалхарча отдела воккхагӀа вола тохкамхо Долгополов Александр Сергеевич, электронни оагӀонга гӀолла юкъарлонца бувзам лелабара инспектор ПхьугӀой Башира Зарета, Шолжа кхален тохкама даькъа болхлой: «А. Я. Сухарева цӀерагӀча Москверча академе Тохкама комитета ФГКОУ ВО тохкамхочун дешар дийша яьнна Хаматхананаькъан Мухьмада Малика, воккхагӀа вола тохкамхо Гаьгенаькъан Батыра Хьасан»,- аьлар хоамо.
Царна ховраш-довзараш техкача, кхетаче дӀаяхьара чаккхенга хьежача, уж из болх дӀабахьара мегаш ба, аьнна, лаьрхӀар. Иштта Мухьмада Шамала къонача говзанчашта могадир, РФ Тохкама комитета даькъ тӏа дика, пайдане болх дӀабахьар.
