Эккажкъонгий-Юртарча №5 йолча юкъерча ишколе, «Дийна каьхаташ» яха кхетаче дӀайихьар
«Кагирхой цхьанкхетарий Цӏа» яхача к моттига кулгалхочо ЧӀасанаькъан Руслана дӀайихьар Наьсарен кхален Эккажкъонгий-Юртарча №5 йолча юкъерча ишколе кхетаче, из яр «Дийна каьхаташ» яхача Сийлахь-боккхача Даьймехка тӀема дагалоаттама проекта чуйоагӀаш, яхаш, дийцар кагирхой цхьанкхетарий Цӏен зарбан болх лелабераша.
Берашца къамаьл деш: «Из тхона дага мел латт, уж дийна ба» яхача темах, ЧӀасанаькъан Руслана дийцар «Дийна каьхаташ» яхача проектах»: хӀанад иштта лоархӀаме шоай мехках дола истори дагалоаттадеш хилар, эггара хьалха из эшаш да дийначарна.
«Дийна каьхаташ» яха проект - из духхьала уж лархӀар хинна Ӏец. Из ноахала дийна бувзам ба. Из я ший Даьхен сийдола истори довзара йола таро. Турпалхой вай дувцарашка, гӀулакхашка бахаш ба. Вай декхар- из ноахалгара ноахалга доалаш леладар», - аьлар ЧӀасанаькъан Руслана.
