Спорта лаьрхӏа керда майда хьаергья Инаркъе
20.05.2026 09:01
Спортаца бувзам лелаберашта лаьрхӏа керда доазув хьаделларгда Инаркъе. Из хоам «Сердалога» бир цу оагӏонцарча министерствон зарбан болх лелабеча Гӏаппархой Аишас.
«Министерствон хьалха латта Белхарой Руслан юртарча къоаношца, иштта кхыболча бахархошца кхетаче яь, цу проектаца дувзаденнараш доашхаш хилар. Спорта лаьрхӏа моттиг кийчъеш боахк цига карарча хана. Йоккха юкъ ялале, дӏаболабе лерхӏ болх. 2026-гӏа шу йистедоалача хана, кийча хила дезаш да деррига», - дийцар тха газетага.
Юртахошца къамаьл деш министра белгалдир спорта доазон тӏа воркаут-тренажераш, баскетбола, волейбола, футбола лаьрхӏа майдаш хургья, аьнна. Юртахошта доккха совгӏат хургдолаш болх ба из.
