ЖӀакех йола берий яхь хилар ГӀажарий-Юрта
17.07.2024 09:26
Юртарча оагӀон единороссаша Йовлой Мухьмада, Ганенаькъан Мухьаммада, ишкола кулгал деча ГӀаппархой Саварбикаца, 6 шергара 12 шерга кхаччалца долча берашта юкъе яхь дӀайихьар ГӀажарий-Юртарча жӀакех йолча ишколе. Из хоам «Сердалога» бир единороссаша.
КӀаьнкашта юкъе хьалхара моттиг яьккхар Ӏалбаканаькъан Ӏаддала, шоллагӀча лагӀа тӀа эттар ГӀулой Ӏаддал-Хьамид, кхоалагӀа моттиг кхаьчар Темиркъанаькъан Сулеймана.
ЙиӀигашта юкъе хьалхара моттиг ГӀулой Хьавайна кхаьчар, Темиркъанаькъан Хади шоллагӀча моттиге эттар, кхоалагӀча лагӀа тӀа яьлар Темиркъанаькъан Малика.
«Иштта йолча кхетаченаша берий кхетам айбу, дикка пайда боал царех»,- белгалдир Йовлой Мухьмада, яхь йистеяьлча. «Россе низ» яхача боламга гӀолла дӀахьош яр кхетаче.
