Юкъерча Ачалкхе токацара дош чакхдаьккхар
16.01.2025 13:06
Юкъерча Ачалкхе вахача СВО доакъашхочун ГӀарбакханаькъан Бахьаудина, тӀеххьарча ГӀалгӀайчен Кулгалхочо дӀахьош хиннача «Нахацара къамаьл» яхача передаче, хаттар деннадар; токацара хьал во латташ хиларца дувзаденна. Цу юртарча администраце кулгалхоша токацара болх тоабаьб, хӀанз цун дикал лакха я.
Юкъерча Ачалкхен администраце кулгалхочо Эсамарзанаькъан Ӏийсас яхачох, 21 тока бӀоагӀа ӀобегӀаб, дукха ток хьаозаш дола саьргаш а дӀахеттад царех. Юрта ток цахаддаш хургйолаш, трансформатор оттабаьб.
«ХӀанз укх сахьате, цига эшаш мел бола гӀирс дӀаоттабаь баьннаб. Ток лоаттаю ГОСТа боарамо дӀадеххача беса», - аьлар юртдас.
