ГӀалгӀайчен Южни оалача юрта, 120 моттиг йола берий беш хьалъеш латт
МагӀалбика кхален Южне 120 моттиг йола берий беш хьалъеш латт, яхаш, дийцар ГӀалгӀай Республикан гӀишлошъяра Министерствос.
Цу гӀишлон контрактах бола мах 167 млн сом ба, республикан Министерствон заказах «Евростройсервис» яха фирма я из хьалъер.
Шозза вӀаштӀара яь гӀишло хьалъе йолайир дӀаяхача бӀаьсти. ХьатӀадоагӀача шера из болх йистебаккха лерхӀ.
«Таханарча денга кхоачаш, 100% йистедаьннад шинна а гӀата тӀа аьшкабетона балхаш, лардаш, пенаш, бӀоагӀий, тӀера плиташ ӀотӀаяхкар, цул совгӀа, пенашта юкъера хӀама цахазийтара дола балхаш а йистедаьхад.
Дикача дӀадода юкъера йовкъаш йохкар, тховнаш тахкар, бӀеха хиш дӀаухийташ йола моттигаш кийчъяр. ДӀадоладеш да мух кхетийтара даькъ тӀара, чура электросетий, хий чудаккхара балхаш. ГӀишлон-монтажни болх баь баьннаб 44%, - аьлар гӀишлошъераша.
