Ставрополе «ГIалгIайче. ГIалай, говзача пхьарий мохк» яха гойтам хьабийллар
Ставрополерча исбахьален искусствай музее хьабийллар «ГIалгIайче. ГIалай, говзача пхьарий мохк» яха суртий, кулгаговзала кхоллама гойтам. Из кийчбаьб, ГIалгIай Республикан ИЗО музея, ГIалгIайчен культуран Министерствос хьал а лоацаш.
ГIалгIай ИЗО музея зарбан болх лелабераша беча хоамах, цига гойта оттабаьб республикан суртанчий, кулгаговзал йолча пхьарий 20 болх.
Цул совгIа, укхаза ба къаман тIабувхабу гIирс, халкъа ашарий пандараш, вахаре леладаь гIирсаш, чона, геза, топпара пхьегIаш, кулгашца хьадаь истингаш, къаман дувхар тIадувхаш йола вайцига хьаяь теникаш.
Гойтаме хилар Ставропольски мехка культуран министр Лихачева Татьяна Ивановна.
Цига баьхкача наха, гойтам хьабийллача дийнахьа, вай суртанчаша дIабихьар говзанч-хьехам.
«Цу гойтамо таро лургья Ставропольски мехка бахархошта, хьаьшашта ГIалгIайчен культура, истори, наьха хьашташ, къаман Iадатий, искусствай хозал йовза», - аьлар ГIалгIайчен исбахьален искусствай паччахьалкхен музее.
«ГIалгIайче. ГIалай, говзача пхьарий мохк» яха гойтам дIахьоргба; лайчилла бетта 18-ча денга кхаччалца.
