Гӏалгӏайчен столице культуран дика болам дӏахьош ба
Магас-Шахьара администраце дӏакхайкаду «Со къаман гӏирс бувхаш ва» яха йийлла шахьара кхетаче хьаеллаш хилар, из дӏахьош я 2026 шера тушола бетта 25-ча дийнахьа денз, яхаш, дийцар «Сердало» газетага шахьара мэре.
«Белгалду, 2026 шера Российски Федераце Президента Амарах хьакхайкадаьд Россе халкъа цхьоагӏон Шу. Тха кхетаче лаьрхӏа я из хьаллацара, иштта белгалду культуран ӏадатий мах бараш, халкъашта юкъера барт чӏоагӏбар. Хӏаравар таро йолаш ва, къаман гӏирс тӏа а бийха, цига дакъа лаца, дукха ха яьнна е моллагӏча къаман из вар аьнна доацаш. Оаха тӏахьех дезал, кагирхой, кхоллама тоабаш, дешархой, студенташ», - йоах хоамо.
Из болх вӏашагӏбеллараша белгалду, дег чура халкъа культуран тӏехьале хьагойташ, кхетаче дӏахьош белабенна, дог гӏоздаьнна нах хилар лоархӏаме долга. Цу юкъедоагӏаш да хоза кийчвенна, ӏадатех доагӏа барзкъа дийха, хозаленаш ӏоэхка, керта тӏа хӏама тилла, къаман культура гойташ дола хоза сурт оттадаьча моттиге кино даккхар.
Цу тайпара болам дӏабахьар - из вай Россе хозача мехка дукха культураш хилар хьагойташ йола цхьаькха оагӏув я.
Доакъашхошта могаду сурт даккхар е видеоролик яр, из дӏаяхьийта еза электронни почте гӏолла: Хаттарашта жоп лургда телефона укх номерах:+7 (8734) 55-ӏ4-84.
