Лермонтова цӏерах бола урам тоабеш боахк Шолже
Шахьара моттигаш тоаярах йолча федеральни проектага гӏолла Шолжа-Шахьарера Лермонтова цӏерах бола урам тоабеш боахк мехка. Из хоам «Сердалога» бир мэре зарбан болх лелабераша.
«Лермонтова цӏерах болча урама даmкъагара Осканаькъан цӏерах болча урама, Висаитова оалача урама моттигаш чулоацаш асфальт булларгба, иштта гӏашлой никъ а тоабергба. 200 метрага кхоачаш ба тоабе лерхӏа никъ. Кӏалхара къаьнара асфальт бохабеш, хьалбоаккхаш боахк болхлой. 10 дийнахьа болх дӏабихьачул тӏехьагӏа из моттиг йовзаргйоацаш хоза хургья», - дийцар тхога.
«Из гӏулакх бахархой хьал дикка аттачахьа доаккхаш хургда, хӏана аьлча цу юхе ишкол, берий беш, поликлиника я. Паргӏатагӏа хиларал совгӏа, кхераме боацаш а хургба хӏанз наьха никъ», - дийцар тхога шахьара да волча ӏумаранаькъан Аслана.
