Шолжа-Шахьарера кхо урам тоабе арабаьннаб болхой
Шахьара моттигаш тоаярах йолча федеральни программага гӏолла Шолжа шахьарерча кхаь урама хьал меттадоаладе арабаьлар болхлой. «Восточни оалача урамера гӏашлой никъ тоабаь, догӏан хиш дӏаухаргдола моттигаш тӏара болх чакхбоаккхаш боахк карарча хана. 500 метрага кхоачаш бола никъ тоабе лерхӏ укхаза.
Лермонтова цӏи лелаеча ураме гӏаш леларашта никъ булларгба, иштта керттера никъ а тоабергба. 200 метрага кхоачаш бола никъ ба меттабоалабе безар.
Нурадиловгӏар оалача ураме къаьнара трансформаторни станци тоаеш, дахчан бӏоагӏаш хувцаш боахк. Из моттиг баьццаръерзаергья, машинашта ӏоувттаю доазув къоастадеш. Иштта гӏашлой никъ билла, керттера никъ тоабеш къахьегаргда», - йоах тха газетага бенача хоамо.
«Бахархой хьал аттачахьа доаккхаш, гӏулакх да из. Урамий хьал боаггӏача боараме хилийтар керттерча декхарех да тахан», - белгалдир мэр волча Ӏумаранаькъан Аслана.
