16 калибр йола топ дӏачуелар ӏаьдалга Шолжа-Шахьара вахархочо
12.02.2026 09:24
Шолжа-Шахьарерча полице болхлошка топ дӏачуелар цигарча вахархочо. Из хоам «Сердалога» бир МВД.
«Саькура бетта 5-ча дийнахьа шахьарера Росси МВД МО болхлошка цкъа ювла 16 калибр йола топ дӏачуелар цигарча вахархочо», - йоах тхога бенача хоамо. Из шийна мишта, мичахьара кораяьй дийцар цо ӏаьдалга.
Шахьара арахьарча доазон тӏа говраца гобоахаш лелаш, ор долча моттиге уллаш корайир цунна топ. Ха ца йоаеш, полице болхлошка из дӏакхачийта лаьрхӏар цо.
