Базара юхера моттиг тоаеш боахк Шолжа-Шахьаре
22.07.2025 16:47
Шолжа-Шахьарерча Выгонни оалача урам тӀа базара юхера моттиг тоаеш болх дӀаболабаьб. Из хоам «Сердалога» бир шахьара мэре зарбан болх лелабераша.
Таханарча дийнахьа догӀан хиш дӀаухаргдолча турбашта лаьрхӀа ор доаккхаш боахк болхлой. ХӀамаш йохкаш йола моттигаш, тховнаш хувцаш, тӀера куц эргадоаккхаш, тоаергья. Иштта цига Ӏобилла лерхӀ 160 метрага кхоачаш, 2 метр шорал дола гӀашлой никъ, 64 моттиг йолаш машинашта лаьрхӀа доазув а къоастадергда цига.
«Уж деррига балхаш базара доал деча наха администраце хьалхадаьккха деш да. Дала аьннадале, ахкан тӀехьара бутт чакхбалале, йистебаьнна хургба болх», - дийцар тха газетага.
