Гиссарерча, Арашанерча фух дола жа гойта оттадир Шолжа-Шахьаре
06.05.2025 14:47
Гиссарерча, Арашанерча фух дола жа довзийташ, Ерригроссийски гойтам дӀабихьар Шолжа-Шахьаре. Паччахьалкхено, минсельхозо хьаллоацаш, республикерча жа леладеча наьха Ассоциаце дӀахьош болх бар из. Цу тайпара хоам «Сердалога» бир шахьара администраце.
Гойтаме дакъа лоацаш бар вай мехкара, ГӀалмакхий мехкара, Селий, Нохчий, ГӀаьбартой-Балкхарой, ХӀирий мехкашкара, иштта Тамбовски, Воронежски областашкара нах.
Наггахьа мара нийслуш доацача 250 фух хьадаьнна жа дар дерригаш цига хьокха оттадаьраш. Ший безам болчо эца йиш йолаш а дар уж. Гойтаме эггара теннагӀа хинна усагӀа 207 кийланга кхоачаш бар.
