Хьайийллача кердача ФОКа хьал малагӀча боараме да техкар Шолжа-Шахьаре
16.09.2024 15:24
Укх бетта болх дӀаболабе безаш яр Шолжа-Шахьаре хьайийлла керда ФОК, бакъда хӀанз а болх бе йолаеннаяц. Цун бахьан тахка баха хилар республикерча Паччахьалкхен кулгалхочун гӀонча вола Балахой Микаил, спорта гӀулакхех йолча Министерствон хьалхалатта Белхарой Руслан, иштта цигарча балха тӀахьожам беш хиннараш, ФОК хьаелларга сатувсаш лела шахьарера кагирхой.
Шахьарерча вахархочо белгалдаьчох, из ФОК хьаеллар доккха совгӀат да бахархошта. «Дер дайна лелачул, пайданца ха дӀаяхьа аьттув баргба кагирхой. ЧӀоагӀа сатувс оаха хьатӀадоагӀача кӀиранна ФОКо ший хьалхара хьаьший тӀаэцарга», - дийцар цига.
