Шолжа-Шахьарера хин хьал тоаде арабаьннаб болхлой
22.08.2024 23:12
Ер шу доладелча денз, республикерча ЦУР 1000 совгӀа болча нахагара Шолжа-Шахьаре хин хьал чоалхане латт, яхаш, лоткъамаш кхаьчад. Из хоам «Сердалога» бир цу моттигерча болхлоша. Шахьарерча хьакимашца цхьана, из гӀулакх аттачахьа даккха арабаьлар ЦУРа болхлой.
«Тишъенна турбаш хувцаш йолча программа юкъеяьккхар 2023-ча шера, гуйран хьалхарча бетта. Таханарча дийнахьа шахьарерча итт урам тӀара 5 км кхоачаш турбаш хийцай. Хин турбаш лелхаш хинна хатараш 77%-га кхоачаш лохдаьд цу гӀулакхо.
Администраце болхлошца эггара чоалханегӀа хьал дола моттигаш гучайоахаш, болх дӀабихьар ЦУРо», - йоах хоамо.
Шахьарерча хьакимаша белгалдечох, хицара кхоачамбоацараш йоккха юкъ ялале юстардаьха хургда.
