Шолжа-Шахьарерча Ӏама дӀатӀабода никъ, машинашта сеца моттиг еш ба
05.09.2024 14:25
Шолжа-Шахьарерча Ӏама дӀатӀабода никъ тоабеш, машенаш Ӏоувттае моттиг къоастаеш, боахк болхлой. Вай мехкадас Келаматанаькъан Махьмуд-Ӏаьлас тӀадилла чакхдоаккхаш да из гӀулакх. Из хоам «Сердало» газетага бир шахьара администраце.
ЖагӀа, кхера боассабеш, асфальт ӀотӀабилла кӀийле кийчъеш, боахк цига. Шахьара мэр Ӏумаранаькъан Аслан ва балха тӀахьожам бер. «Машинаш Ӏоувттае паргӀата моттиг йолаш, никъ тоабаь, Ӏама гонахьара доазув боад эттача сийрда хургдолаш лампаш ехка, хоза тоаяь хургья из моттиг», - белгалдир шахьаре.
ХьатӀабоагӀа бутт чакхбалалехь йистебала безаш ба из болх.
