Доалахьарча гӀишлон каьхаташ далара болх тоабаьб Шолжа-Шахьаре
Бахархоша шоай доалахьарча гӀишлошта каьхаташ дахара гӀулакха тӀахьожам лоаттабу Шолжа-Шахьарерча кулгалхочо Ӏумаранаькъан Аслана. Цу мугӀарерча болхлошца кхетаче дӀайихьар хьакима тахан. Цу даькъ тӀарча балха оагӀонна кулгал деча Мейренаькъан Тимура теркалдаьчох, дӀабихьача балхах, 2022-ча шергара таханарча денга кхоачаш йола ха хьаийцача, Малхбоале оалача нах бахача моттигерча 144 доалахьарча боахама каьхаташ даьхад. Уж да 57 цӀа, 87 лаьттан дакъа.
«Сага доалахьара хӀама, Ӏаьдала бокъонаша дӀадеххача тайпара, каьхаташца чӀоагӀдаь хила деза. Из чӀоагӀа лоархӀаме да шахьара экономикан хьал тоадара, наьха вахара хьал аттачахьа даккхара.
Цунга хьежжа, бахархошта дӀахайта деза, шахьарерча администраце из болх дӀабахьа царна гӀо дергдолга. ХӀама доаггӀача беса хилча, паргӀатагӀа хургья массанена», - белгалдир Ӏумаранаькъан Аслана.
