Шолже гучабоах йоал дӀалуш боаца бахархой
14.11.2024 09:32
Экономика, финансай отдела болхлоша, МВД йоал яккхара долча гӀулакха болхлошца цхьана, «Сийг» яхача мах бара центре рейд дӀайихьар, яхаш, дийцар Шолжа администраце зарбан болх лелабераша.
Йоал дӀалуш боацараш гучабахарал совгӀа, цига гуш хилар кассови аппараташ йий, иштта балха болча нахага, уж балха хьаэцаш оттадаь бартчӀоагӀамаш дий.
«Из болх дӀахьош, уж хьежар, шоай доалахьара болх беча 30 моттигага. Кхоачамбоацараш юкъе долча балха тӀа, РФ КоАП 14.1 йолча статьях доаггӀача беса акташ оттайир, уж дӀаяхьийтар МВД.
Ший доалахьара хӀама леладе безам болча юридически сага дӀаязвайта веза, из болх лелабе бокъо луш», - аьлар цу гӀулакхага хьежараша.
