ЖКХ доагӀа ахча дӀателара гӀулакх тоадарах дийцар Шолжа-Шахьаре
Шолжа-Шахьарерча администраце, паччахьалкхен кулгалхочун гӀонча волча Балахой Микаила кулгал деш, дӀайихьача кхетаче дийцар ЖКХ ахча дӀателара гӀулакх тоадарах.
Цига гулбеннабар энергетиках, ЖКХ болча оагӀон кулгалду Лоалахой Ахьмад, шахьара да Ӏумаранаькъан Аслан, хий лоаттадеча оагӀон болхлой, дийша нах, иштта кхыбараш. Из хоам «Сердалога» бир администраце.
Кхетаче белгалдир, ЖКХ оагӀон ахча дӀателара гӀулакх Шолжа-Шахьаре чӀоагӀа лоха латтилга, бахархошта тӀалатта декхараш лакха долга. Цу юкъе я, бахархоел совгӀа, болх бу моттигаш.
«Шоашкара дӀадоагӀа ахча бахархоша дӀатергдолаш, юкъедоаладе дезарех дийцар гулбеннараша. Белгалдир, наха декхар ханнахьа дӀацателаро боаггӀача боараме цу оагӀон болх дӀацабахийтар», - аьлар шахьарерча администраце.
