ГӀалгӀай паччахьалкхен 100 шу дизарга, керда сквер хьайийллар Шолжа-Шахьаре
18.09.2024 14:37
Паччахьалкхен 100 шу дизарца дувзадаь, керда сквер хьайийллар эггара къонагӀа йолча республикан шахьаре. Из хьаеллача дакъа лоацаш хилар шахьара кулгалду Ӏумаранаькъан Аслан, шахьара совета керте латта Оздой Ингисхан, депутаташ, шахьарерча дешара моттигашкара кагирхой, иштта кхыбараш. Из хоам «Сердалога» бир шахьара администраце зарбан болх лелабераша.
Сквера доазон тӀа гӀалгӀай паччахьалкхе хьакхелла 100 шу дизара хетадаь сийленг оттадаьд. Сийрда лампаш ехка, гӀандаш, нувхаш чукхувса яьшкаш оттаяь, тоаяьй моттиг. Иштта, велосипед хехка ловрашта, 200 метрага кхоачаш бола никъ биллаб.
«Укх шера бӀаьсти дӀаболабир цигара болх. Шахьара куц тоадарах йолча программага гӀолла бахархоша шоаш хержа моттиг я тахан тоаяьр», - белгалдир администраце.
